Нууцлалын бодлого

1. Зорилго

Энэхүү Нууцлалын бодлого (цаашид "Бодлого") нь "Кодифай" ХХК (цаашид "Үйлчилгээ үзүүлэгч", "Бид") Live Sale платформыг (цаашид "Платформ") ашиглаж буй бизнес эрхлэгч байгууллага (цаашид "Хэрэглэгч", "Та"), мөн Хэрэглэгчийн үйлчлүүлэгч болох Эцсийн хэрэглэгчдийн хувийн мэдээллийг хэрхэн цуглуулж, боловсруулж, хамгаалж, хуваалцах талаарх бодлого, журмыг тодорхойлно.

Энэхүү Бодлого нь Платформын бүх үйлчилгээ, функц болон холбогдох вэбсайтуудад (instasell.codify.mn гэх мэт) хамаарна. Платформд бүртгүүлж, нэвтэрч, ашигласнаар Хэрэглэгч энэхүү Нууцлалын бодлогыг уншиж, зөвшөөрсөнд тооцно. Нууцлалын бодлого нь Үйлчилгээний нөхцлийн салшгүй хэсэг юм.

2. Бидний тухай

"Кодифай" ХХК нь Live Sale платформыг эзэмшиж, үйл ажиллагааг явуулдаг. Манай холбоо барих мэдээллийг энэхүү Бодлогын төгсгөлд оруулсан болно.

3. Үүрэг, хариуцлага

• Үйлчилгээ үзүүлэгч (Мэдээлэл боловсруулагч): Бид Платформоор дамжин өнгөрөх Эцсийн хэрэглэгчдийн болон Хэрэглэгчийн ажилтнуудын мэдээллийг Хэрэглэгчийн заавар, энэхүү Бодлого болон холбогдох хуулийн дагуу боловсруулна.
• Хэрэглэгч (Мэдээлэл хариуцагч): Та өөрийн Эцсийн хэрэглэгчдийн хувийн мэдээллийг Платформ дээр цуглуулах, оруулах, боловсруулахад шаардлагатай хуулийн үндэслэлтэй (зөвшөөрөл гэх мэт) эсэхийг хариуцна.

4. Бидний цуглуулдаг мэдээлэл

Бид Платформын үйлчилгээг үзүүлэх, сайжруулах зорилгоор дараах төрлийн мэдээллийг цуглуулж, боловсруулж болно:

Хэрэглэгчийн бүртгэлийн мэдээлэл:

• Байгууллагын нэр, хаяг
• Хариуцсан ажилтны нэр, албан тушаал, имэйл хаяг, утасны дугаар
• Нэвтрэх мэдээлэл (хэрэглэгчийн нэр, шифрлэгдсэн нууц үг)
• Төлбөрийн мэдээлэл (нэхэмжлэх, гүйлгээний түүх)

Хэрэглэгчийн тохиргооны мэдээлэл:

• Холбогдсон сувгийн тохиргоо (жишээ нь: Facebook хуудасны ID, вэбсайтын домэйн)
• Мэдлэгийн сан (Хэрэглэгчийн оруулсан мэдээлэл, асуулт/хариулт болон бусад баримт бичиг)

Эцсийн хэрэглэгчийн мэдээлэл (Хэрэглэгчийн нэрийн өмнөөс боловсруулна):

• Эцсийн хэрэглэгчийн нэр, холбоо барих мэдээлэл (утас, имэйл, messenger ID), хэрэглэгчийн дугаар
• Эцсийн хэрэглэгчийн Платформоор илгээсэн хүсэлт, санал хүсэлт, гомдлын агуулга (текст болон дуут — хэрэв Хэрэглэгч дуут үйлчилгээ ашигладаг бол)
• Харилцааны мета мэдээлэл: цаг хугацаа, суваг, яриаын үргэлжлэх хугацаа, шийдвэрлэлтийн статус

Системийн ашиглалтын мэдээлэл (Автоматаар цуглуулна):

• Хэрэглэгчийн Платформтой харьцсан мэдээлэл (лог файл, IP хаяг, хөтчийн төрөл)
• Ашигласан сувгууд, Платформ дээрх үйл ажиллагааны түүх
• Күүки (Cookies)

4.1. Facebook / Instagram / Meta платформын мэдээлэл

InstaSell нь Meta Platforms, Inc. (Facebook, Instagram)-ийн Graph API-г ашигладаг. Хэрэглэгч Facebook-ээр дамжуулан нэвтрэх эсвэл Facebook Хуудсаа холбох үед бид дараах өгөгдлийг цуглуулж, зөвхөн үйлчилгээг үзүүлэх зорилгоор ашиглана:

Meta Graph API эрхүүд (permissions):

• pages_show_list, pages_manage_metadata — Хэрэглэгчийн удирддаг Facebook Хуудсуудын жагсаалт, ID, нэр авах; webhook subscribe хийх.
• pages_read_engagement, pages_read_user_content — Хуудасны пост, Live бичлэг дээрх комментууд болон комментлогчийн Facebook ID, нэр унших (худалдан авах санал илрүүлэх зорилгоор).
• pages_manage_engagement, pages_manage_posts — Хуудасны нэрийн өмнөөс пост нийтлэх, комментод хариу бичих.
• publish_video — Live бичлэг эхлүүлэх, RTMP stream key авах.
• business_management — Meta Business Manager-аар удирддаг Хуудсуудад хандах.
• instagram_basic, instagram_content_publish, instagram_manage_comments — Хуудастай холбогдсон Instagram Business акаунтын ID, нэр унших; пост нийтлэх; коммент унших, хариулах.

Хадгалах мэдээлэл:

• Facebook Хуудасны ID, нэр, profile зураг, follower тоо
• Урт хугацааны Page access token (шифрлэгдсэн байдлаар)
• RTMP stream key (Live эхлүүлэх үед зөвхөн тухайн session-д)
• Худалдан авагчдын Facebook PSID, нэр, профайл зураг, локал
• Live комментын текст, нийтлэгдсэн цаг, комментлогчийн ID
• Instagram Business акаунтын мета мэдээлэл (хэрэв холбогдсон бол)

Ашиглахгүй зүйл:

• Meta-гаас авсан мэдээллийг зар сурталчилгаанд ашиглахгүй
• Гуравдагч этгээдэд зарахгүй
• Машин сургалтын (machine learning) загвар сургахад ашиглахгүй

Meta Платформын нөхцөл:

Бид Meta Platform Terms (developers.facebook.com/terms) болон Meta Developer Data Use Policies-ийг дагаж мөрдөнө. Хэрэглэгч Facebook-ийн App тохиргоо хэсгээс InstaSell аппыг устгавал бид түүний бүх Facebook/Instagram өгөгдлийг 30 хоногийн дотор серверээсээ устгана.

4.2. Мэдээллээ хэрхэн устгах

Та өөрийн Facebook/Instagram-аар холбогдсон мэдээллээ доорх зааврын дагуу устгах боломжтой:

• instasell.codify.mn/data-deletion — Өөрийгөө устгах зааварчилгаа болон хүсэлтийн төлөв шалгах.
• Facebook → Settings → Apps and Websites → InstaSell → Remove. Facebook автоматаар устгах хүсэлт илгээнэ, бид 30 хоногт багтаан биелүүлнэ.
• info@codify.mn хаягаар имэйл илгээх.

5. Мэдээллийг хэрхэн ашиглах

Бид цуглуулсан мэдээллийг дараах зорилгоор ашиглана:

Үйлчилгээ үзүүлэх:

• Платформын үндсэн функцуудыг ажиллуулах (Эцсийн хэрэглэгчдийн хүсэлтийг хүлээн авах, боловсруулах, хариулах)
• Хэрэглэгчийн бүртгэлийг удирдах, нэвтрэлтийг баталгаажуулах
• Техникийн дэмжлэг үзүүлэх, асуудлыг шийдвэрлэх
• Нэхэмжлэх, төлбөр тооцоо хийх

Үйлчилгээг сайжруулах:

• Платформын хэрэглэгчийн туршлага, ашиглалтыг сайжруулах
• Шинэ боломж, үйлчилгээ хөгжүүлэх, туршиж шалгах

Харилцаа холбоо:

• Хэрэглэгчдэд үйлчилгээний шинэчлэл, засвар үйлчилгээ, аюулгүй байдлын талаар мэдэгдэл илгээх
• Хэрэглэгчийн асуулга, хүсэлтэд хариулах

Хуулийн шаардлагыг биелүүлэх:

• Хуулийн шаардлага, шүүхийн шийдвэрийг биелүүлэх
• Залилан мэхлэхээс урьдчилан сэргийлэх, Платформын аюулгүй байдлыг хангах

6. Мэдээллийг хэрхэн хамгаалах

Бид Хэрэглэгч болон Эцсийн хэрэглэгчийн мэдээллийн аюулгүй байдлыг хангахын тулд дараах техникийн болон зохион байгуулалтын арга хэмжээг авч хэрэгжүүлдэг:

• Шифрлэлт: Мэдээлэл дамжуулах (SSL/TLS) болон хадгалах (AES-256) үед дэвшилтэт шифрлэлтийн аргуудыг ашигладаг.
• Хандалтын хяналт: Зөвхөн эрх бүхий ажилтнууд үүрэг даалгавартаа нийцүүлэн мэдээлэлд хандах боломжтой. Нууц үгийн бодлого болон олон хүчин зүйлт баталгаажуулалт (MFA) ашигладаг.
• Дэд бүтцийн аюулгүй байдал: Галт хана, халдлага илрүүлэх систем зэрэг аюулгүй байдлын арга хэмжээг ашигладаг.
• Ажилтны сургалт: Ажилтнуудад мэдээллийн аюулгүй байдал, нууцлалын талаар тогтмол сургалт явуулж, нууцлалын гэрээ байгуулдаг.
• Тогтмол хяналт, шалгалт: Аюулгүй байдлын сул талыг илрүүлж, эрсдэлийг бууруулахын тулд тогтмол хяналт, шалгалт хийдэг.

7. Мэдээллийг хэрхэн хуваалцах

Бид Хэрэглэгч болон Эцсийн хэрэглэгчийн хувийн мэдээллийг зөвшөөрөлгүйгээр гуравдагч этгээдэд зарах, түрээслэх, задруулахгүй. Гэхдээ дараах тохиолдлуудад мэдээллийг хуваалцаж болно:

• Хэрэглэгчийн зөвшөөрлөөр: Таны тодорхой зөвшөөрөлтэйгөөр (жишээ нь: гуравдагч үйлчилгээтэй холбогдох үед).
• Хуулийн шаардлагаар: Хууль, шүүхийн шийдвэр, төрийн байгууллагын шаардлагаар. Бид ийм хүсэлтийн хууль ёсны байдлыг хянаж, зөвхөн шаардлагатай мэдээллийг Хэрэглэгчид мэдэгдсэний дараа хуваалцдаг.
• Бизнесийн шилжилт: Нэгдэх, худалдан авах, дахин зохион байгуулах зэрэг бизнесийн томоохон шилжилтийн үед мэдээлэл шилжиж болно. Ийм тохиолдолд бид урьдчилан мэдэгдэж, таны мэдээлэлд өөр нууцлалын бодлого хамаарах эсэхийг мэдэгдэнэ.

8. Мэдээлэл хадгалах хугацаа

Бид Хэрэглэгч болон Эцсийн хэрэглэгчийн мэдээллийг зөвхөн Үйлчилгээний нөхцөлд заасан хугацаанд, эсхүл хуулиар шаардсан хугацаанд хадгална.

• Хэрэглэгчийн бүртгэл, тохиргооны мэдээлэл: Хэрэглэгч Платформыг ашиглаж буй хугацаанд болон гэрээ дуусгавар болсноос хойш тодорхой хугацаанд (30 хоног, хуулийн шаардлага, маргаан шийдвэрлэхэд).
• Харилцааны мэдээлэл: Хэрэглэгчийн хүсэлт эсвэл Платформын тохиргоонд заасан хугацаанд, эсвэл Хэрэглэгч устгах хүртэл. Үйлчилгээ үзүүлэгч гэрээ дуусгавар болсноос хойш тодорхой хугацааны дараа (30 хоног) Харилцааны мэдээллийг устгах эрхтэй.

9. Таны эрхүүд

Хувийн мэдээлэл хамгаалах тухай хууль болон бусад холбогдох хуулийн дагуу та дараах эрхүүдтэй:

• Хандах эрх: Бидний боловсруулж буй таны хувийн мэдээлэлд хандах.
• Залруулах эрх: Буруу эсвэл дутуу мэдээллийг засахыг хүсэх.
• Устгах эрх: Тодорхой нөхцөлд таны мэдээллийг устгахыг хүсэх.
• Мэдээлэл зөөх эрх: Хэрэглэгч Платформоос өөрийн мэдээллийг авах эрхтэй.

Эдгээр эрхийг хэрэгжүүлэхийн тулд 11-р зүйлд заасан хаягаар бидэнтэй холбогдоно уу. Бид таны хүсэлтийг хүлээн авч шийдвэрлэнэ. Эцсийн хэрэглэгчид өөрсдийн эрхийг хэрэгжүүлэхийн тулд Хэрэглэгчтэй (үйлчилгээ үзүүлж буй байгууллага) холбогдох шаардлагатайг анхаарна уу.

10. Нууцлалын бодлогын өөрчлөлт

Бид энэхүү Нууцлалын бодлогыг үе үе шинэчлэх, сайжруулах эрхтэй. Томоохон өөрчлөлт орсон тохиолдолд Платформын вэбсайтад нийтлэх ба/эсвэл Хэрэглэгчдэд имэйлээр урьдчилан мэдэгдэнэ. Шинэчлэгдсэн бодлогын "Хүчин төгөлдөр болсон огноо"-г шалгахыг зөвлөж байна. Шинэчлэгдсэн бодлого хүчин төгөлдөр болсны дараа Платформыг үргэлжлүүлэн ашиглах нь тухайн өөрчлөлтийг зөвшөөрсөнд тооцно.

11. Холбоо барих мэдээлэл

Энэхүү Нууцлалын бодлого болон таны хувийн мэдээлэлтэй холбоотой асуулт, санал, хүсэлт байвал дараах хаягаар холбогдоно уу: